អគ្គិភ័យបំផ្លាញផ្ទះប្រជាពលរដ្ឋចំនួន២២ខ្នងនៅក្នុងខណ្ឌមានជ័យក្រុងភ្នំពេញ
អគ្គិភ័យដ៏ខ្លាំងមួយនៅក្នុងខណ្ឌមានជ័យ រាជធានីភ្នំពេញបានបំផ្លាញផ្ទះចំនួន២២ខ្នងកាលពីរំលងអធ្រាត្រម្សិលមិញ ខណៈដែលអ្នកភូមិបាននាំគ្នាពុះពារពន្លត់អណ្តាតភ្លើង ហើយក្រុមអ្នកពន្លត់អគ្គិភ័យប្រញាយគ្នាពន្លត់ដែរ។ លោក នេត វ៉ាន់ថា ប្រធានការិយាល័យបង្ការនិងពន្លត់អគ្គិភ័យរាជធានីភ្នំពេញ បានមានប្រសាសន៍ថា នៅវេលាម៉ោងប្រហែល១រំលងអធ្រាត្រ ខ្សែភ្លើងមួយបានដាច់ និងទុស្សេ។ ភ្លើងរាលដាលយ៉ាងលឿន បើទោះជាអ្នកភូមិប្រើទុយោទឹក គប់ដុំទឹកកក និងប្រើដំបងឈើ ដើម្បីពន្លត់អគ្គិភ័យ ខណៈដែលក្រុមពន្លត់អគ្គិភ័យមកដល់កន្លែងកើតហេតុយឺតក្នុងសង្កាត់ច្បារអំពៅ២។ …
